ފަތުރުވެރިޔާގެ ރޭޕްކުރި މައްސަލައިގެ ތަހުގީގު އަވަސް ކުރުމަށް ރައީސް ނަޝީދު ގޮވާލައްވައިފި

ކ. އަތޮޅުގެ ރިސޯޓެއް ކަމަށްވާ ރިޒްކާލްޓަން ފަރި އައިލެންޑް ރިސޯޓުގައި ޗުއްޓީ ހޭދަކުރަމުންދަނިކޮށް ރޭޕްކުރިކަމަށް ބުނާ، ޗައިނާގެ ފަތުރުވެރިޔާގެ މައްސަލައިގެ ތަހުގީގު އަވަސް ކުރުމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ގޮވާލައިފިއެވެ.

ރިސޯޓްގެ މުވައްޒަފަކު ރޭޕް ކޮށްފައިވަނީ އޮސްޓްރޭލިއާ ގެ ސިޑްނީގައި ކިޔަވަމުން ދާ ޗައިނާގެ ޒޫ ޔިޓޮންގް (ޔޮލީ) ނަމަކަށް ކިޔާ ޗައިނާ އަށް އުފަން އަންހެނެކެވެ.

ޔޮލީވަނީ އެ ކޭސްގެ އިންސާފު ހޯދަން އެދި ރައީސް އިބްރާހިމް މުހައްމަދު ސޯލިހް އަށާއި، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ސީޓީ އެއް ފޮނުވައިފިއެވެ.

ރައީސް ނަޝީދު ކުރެއްވި ޓުވީޓެއްގައި ވިދާޅުވީ ރޭޕްގެ މައްސަލައާ މެދު ވަރަށް ބޮޑަށް ކަންބޮޑުވެވަޑައިގަންނަވާ ކަމަށާއި، އެހެން ކަމުން އެ ހާދިސާއާ ގުޅިގެން ރަނގަޅު ތަހުގީގެއް ހިންގުމަށް ފުލުހުންގެ ހިދުމަތަށް ގޮވައިލައްވާ ކަމަށެވެ.

I am very concerned after reading @YolyYitong’s letter, and hearing about her case. I call on @PoliceMv to swiftly and thoroughly investigate this incident. pic.twitter.com/A7Tylhyy4A

— Mohamed Nasheed (@MohamedNasheed) June 21, 2023

މީގެ ދެތިންދުވަސް ކުރިން ޔޮލީ މި ހާދިސާ ހިނގާ ދިޔަ ގޮތުގެ ވާހަކަ ވަރަށް ތަފްސީލުކޮށް އޭނާގެ ޓްވިޓާގައި ކިޔަދީފައިވާ އިރު އޭނާ ވަނީ، އޭނާގެ ގައިގައި އަނިޔާވެފައިވާ ޒަހަމްތަކުގެ ފޮޓޯކަމަށް ބުނެ ފޮޓޯ ވެސް ސޯޝަލް މީޑިއާގައި އާންމުކޮށްފައެވެ. އަދި އޭނާ ރޭޕް ކުރި ކަމުގެ ތުހުމަތު ކުރާ ރިޓްޒް ކާޓަން މޯލްޑިވްސް ފަރި އައިލެންޑްގެ ބަޓްލާރެއް ކަމަށް ވާ އުޝާމްގެ ފޮޓޯވެސް ވަނީ އާންމުކޮށްފަ އެވެ. އޭނާ ކުރި މިޓްވީޓް 9 މިލިޔަން މީހުން ވަނީ ބަލާފައެވެ. އަދި އެތަށް ބަޔަކު މިހާދިސާ ކުށްވެރިކޮށް ވަނީ ކޮމެންޓްކޮށްފައެވެ.