ފިކްނިކް އައިލެންޑް ކުޑަގިރީ ވޯޓާ ސްލައިޑުން ފައިބަނިކޮށް މޫދު އަޑީގައި ބޯޖެހި ކަނދުރާ ބިނދުނު ޒުވާނާ ފަރުވާދެމުން ދަނިކޮށް މިއަދު މަރުވެއްޖެއެވެ.
ކުޑަގިރީގައި މި ހާދިސާ ހިނގާފައިވަނީ މިދިޔަ ބްރާސްފަތި ދުވަހުއެވެ. އެ ހާދިސާގައި ލިބުނު އަނިޔާތަކުގެ ސަބަބުން މަރުވެފައިވަނީ ހ. ޕޯޓްސައިޑް، އުމުރުން 34 އަހަރުގެ އުމަރު އަބްދުލްހަންނާނެވެ.
މައުލޫމާތު ލިބިފައިވާ ގޮތުގައި މިހާދިސާގައި އުމަރަށް މިހާބޮޑު އަނިޔާއެއްވެފައިވަނީ، ވޯޓާ ސްލައިޑުން ބޯކޮޅު ވަތަށް ބިމުގައި ޖެހުމުގެ ސަބަބުން ނެވެ.
އޭނާ ކުޑަގިރިއަށް ދިޔަކަމަށް ވަނީ އާއިލާއާ އެކު ވަގުތު ހޭދަކޮށްލުމަށެވެ.
އުމަރަކީ އެއާޕޯޓު ރެޕަކަށް އުޅޭ ޒުވާނެކެވެ.
