ހިޔާ ފްލެޓުގެ 12 ވަނަ ބުރިން ވެއްޓުނު ކުއްޖާ ނިޔާވެއްޖެއެވެ،
މިހާދިސާގައި ނިޔާވެފައިވަނީ އުމުރުން 15 އަހަރުގެ ފިރިހެން ކުއްޖެކެވެ. އެ ކުއްޖާ ވެއްޓުނީ ހިޔާ ފްލެޓްގެ 6 ވަނަ ޓަވަރުގެ 12 ވަނަ ފަންގިފިލާއިންނެވެ. ކުއްޖާ ނިޔާވީ ހޮސްޕިޓަލްގައި ފަރުވާ ދޭންފެށިތާ މާ ގިނައިރެއް ނުވެއެވެ. މައުލޫމާތު ލިބޭ ގޮތުގައި އެ ކުއްޖާއަކީ ހާއްސަ އެހީއަށް ބޭނުންވާ ކުއްޖެކެވެ. މިއީ ހއ. ދިއްދުއަށް ނިސްބަތްވާ ކުއްޖެއް ކަމަށް މައުލޫމާތު ލިބެއެވެ. މިހާދިސާ ހިނގީ މިރޭ 12 ޖަހާ ކަންހާއިރުއެވެ.
މަންޒަރުދުށް މީހަކު ބުނީ ކުއްޖާ ވެއްޓުމުގެ ސަބަބުން ކުއްޖާގެ ބޮލަށާއި ފަޔަށް ވަރަށްބޮޑަށް އަނިޔާވެފައިވާކަމަށެވެ.
