ރާއްޖޭގެ ޑިވެލޮޕްމެންޓް ބޭންކުގެ މަސައްކަތްތައް މައިގަނޑު 5 ދާއިރާއަކަށް ހާއްސަވާނެ އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
މިނިސްޓަރު ސައީދު ދެއްވި މަޢުލޫމާތުގައިވާ ގޮތުން، ޑިވެލޮޕްމެންޓް ބޭންކުގެ މަސައްކަތްތައް ހާއްސަވާނެ 5 ދާއިރާއަކީ:
- ހަކަތައާއި ކާބޯތަކެތީގެ ޔަގީންކަން އަދި އަގުތައް ހިފެހެއްޓުމުގެ ދާއިރާ
- ވަޒަންވެރިކަމާއި ބޯހިޔާވަހިކަން
- ތިމާވެށި ހިމާޔަތްކުރުން
- ޓޫރިޒަމް އަދި ވައިގެ ދަތުރުފަތުރުގެ ހިދުމަތްތައް
- ކަނޑުގެ މަންފާއާއި ކަނޑާ ގުޅިފައިވާ އިގްތިސާދީ ހަރަކާތްތައް
މިނިސްޓަރު އިތުރަށް ވިދާޅުވި ގޮތުގައި، ޑިވެލޮޕްމަންޓް ބޭންކަކީ ރައީސް ޑރ. މުހައްމަދު މުއިއްޒުގެ އިގްތިސާދީ ތަރައްގީގެ އެޖެންޑާގެ މުހިންމު ވައުދެކެވެ. އަދި މި ބޭންކުން އިގްތިސާދީ ތަރައްގީގެ ޕްލޭންގައި ހިމެނޭ އެކި ސިނާއަތްތަކަށް ބޭނުންވާ ފައިނޭންސް ހޯދުމުގައި މުހިންމު ދައުރެއް އަދާކުރާނެ ކަމަށްވެސް ވަޒީރު ފާހަގަކުރެއްވި އެވެ.
