އަންނަ މަހުގެ 10 ވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު މިއަދު ހަމަޖައްސަވައިފިއެވެ. ރައީސް އޮފީހުން ނެރުނު ދެންނެވުމެއްގައި ވަނީ ނޮވެމްބަރު 10 ވާ އާދިއްތަ ދުވަހަކީ ސަރުކާރު ބަންދު ދުވަހެއްގެ ގޮތުގައި ހަމަޖެއްސީ ޖުމްހޫރީ ދުވަސް ކަމުގައިވާ ނޮވެމްބަރު 11 ވަނަ ދުވަހަކީ ގައުމީ ބަންދު ދުވަހަކަށް ވާތީ އެ ދުވަހާ ދިމާކޮށް ކަމަށެވެ.
އެގޮތުން އެ ދުވަސް ބަންދު ކުރީ މި އަހަރު ކަލަންޑަރުގައިވާ ގޮތުން ޖުމްހޫރީ ދުވަހުގެ ކުރިއަށް އޮތް ދުވަހަކީ ރަސްމީ ދުވަހަކަށް ވާތީ ބަންދު ދުވަސްތަކަށް މެދުކެނޑުމެއް ނެތް ނައިސް މުވައްޒަފުންނަށް ޗުއްޓީ ލިބޭ ގޮތަށް ހަމަޖައްސައި ދިނުމަށް ކަމަށް ރައީސް ވިދާޅުވިއެވެ.
