ޗަމްޕާ ބްރަދާސްގެ ޗެއާމަން މުހައްމަދު މޫސާ (އުއްޗު) އާއި ކްރައުން ކުންފުނީގެ ޗެއާމަން ހުސެއިން އަފީފަށް ސައުތު އޭޝިއަން ޓްރެވަލް އެވޯޑްސް (ސާޓާ) އިން ހާއްސަ އެވޯޑެއް މިއަދު ދީފި އެވެ.
މީރު މޯލްޑިވްސްގައި ބޭއްވި ރަސްމިއްޔާތެގައި އެ އެވޯޑު އެ ދެބޭފުޅުންނާ ހަވާލު ކޮށްދެއްވީ ސަޓާގެ ނައިބު ރައީސް ސޫރަޖް ހާން އެވެ.
އުއްޗު އާއި އޭނާގެ ކޮއްކޮ އަފީފަށް ހާއްސަ އެވޯޑު ދިނީ "ފޭސް އޮފް ސައުތު އޭޝިއާ" ގެ ނަމުގަ އެވެ.
އެ އެވޯޑު ދިނީ، ރާއްޖޭގެ ޓޫރިޒަމް ދާއިރާ ކުރިއެރުވުމަށް އެ ދެ ބޭފުޅުން ކުރެއްވި މަސައްކަތުގެ އަގު ވަޒަން ކުރުމުގެ ގޮތުންނެވެ.
