އިނގެރޭސިވިލާތުގެ ރަސްގެފާން އަދި ކޮމަންވެލްތްގެ ވެރިޔާ ކިންގްސް ޗާލްސް ރާއްޖެ ވަޑައިގެންނެވުމަށް ދައުވަތު އަރުވައިފި އެވެ.
މިހާރުގެ ސަމޯއާގައި ކުރިއަށްދާ ކޮމަންވެލްތުގެ ވެރިންގެ ބައްދަލުވުމުގެ ތެރެއިން ކިންގްސް ޗާލްސް ދެއްވި ފަރިއްކޮޅުގައި ނައިބް ރައީސް ހުސެއިން މުހައްމަދު ލަތީފް ވަނީ ބައިވެރިވެވަޑައިގެންފަ އެވެ. އަދި އެ ފަރިއްކޮޅުގެ ހަވާސާގައި ނައިބް ރައީސް ވަނީ ކިންގްސް ޗާލްސްއާ ބައްދަލުކުރައްވާ، ރައީސް ޑރ. މުހައްމަދު މުއިއްޒުގއ ފަރާތްޕުޅުން ރާއްޖެ ވަޑައިގެންނެވުމަށް ދައުވަތު އަރުއްވާފަ އެވެ.
ނައިބް ރައީސް ވަނީ ކިންގްސް ޗާލްސްއާ ބައްދަލުކުރެއްވުމަށް ލިބިވަޑައިގެންނެވުމަކީ ލިބުނު ޝަރަފެއްގެ ގޮތުގައި ސިފަކުރައްވާފަ އެވެ.
ރާއްޖެއަކީ ކޮމަންވެލްތުގެ ފުރިހަމަ މެމްބަރު ޤައުމެކެވެ. ކޮމަންވެލްތުގެ އެންމެ އިސްވެރިޔަކީ އެވަގުތެއްގައި އިނގެރޭސި ތަހުތުގެ އެންމެ އިސް ފަރާތެވެ.
