މިއަދު ރަށްރަށުން ކޮވިޑް 19 ވައިރަސްއަށް ޕޮޒިޓިވްވި 32 މީހުންނާއިއެކު ޖުމްލަ 68 މީހުން ޕޮޒިޓިވްވި ކަމަށް ހެލްތު ޕްރޮޓެކްޝަން އެޖެންސީން ހާމަކޮށްފިއެވެ.
އެޗް.ޕީ.އޭއިން ބުނީ، މިއަދު ގްރޭޓަރ މާލެ ސަރަހައްދުންވެސް 36 މީހުން ބައްޔަށް ޕޮޒިޓިވްވި ކަމަށެވެ. މިމީހުންގެ ތެރޭގައި ހިމެނެނީ، 36 ދިވެހިންނާއި، 32 ބިދޭސީންނެވެ.
ރާއްޖެއިން މިއަދު ޕޮޒިޓިވްވި މީހުންނާއެކު ބައްޔަށް ޕޮޒިޓިވްވި މީހުންގެ އަދަދު 12،452 އަށް އިތުރުވެ، ބައްޔަށް ފަރުވާކުރާ މީހުންގެ އަދަދުވެސްވަނީ 925 އަށް އިތުރުވެފައެވެ. މީގެތެރެއިން 73 މީހުންނަށް ފަރުވާދެނީ، ހޮސްޕިޓަލްގައި އެޑްމިޓްކޮށްގެންނެވެ.
ރާއްޖެއިން ބަލި ޖެހުނު މީހުންގެ ތެރެއިން 11،475 މީހުން ބަލިން ރަގަޅުވެފައިވާއިރު، މިބަލީގައި 45 މީހުންވަނީ މަރުވެފައެވެ.
