މާލެއިން މީހަކު ގެއްލިގެން ރިޕޯޓް ކުރުމާ ގުޅިގެން ފުލުހުން އެމީހާ ހޯދުމުގެ މަސައްކަތް ފަށައިފިއެވެ.
ގެއްލިގެން ހޯދަމުންދަނީ، ބ. މާޅޮސް، ކީސްފިލާ، ޢަބްދުﷲ މުޢާޒު (30އ)އެވެ.
ފުލުހުން ބުނީ، އޭނާ އެންމެފަހުން ފެނުނުއިރު، ލައިގެން ހުރީ ކަޅު ތިކިތަކެއް ޖަހާފައި ހުރި ނޫކުލައިގެން ޓީޝާޓަކާއި ގަދަ މުށިކުލައިގެ ފަޓުލޫނެއް ކަމަށެވެ.
އަދި އޭނާ ހޯދަނީ، މި މަހުގެ 17 ވަނަ ދުވަހުގެ މެންދުރުގެ ވަގުތެއްގައި މާލޭގައި އޭނާ ދިރިއުޅޭ ގެއިން ނުކުމެގެން ދިޔަގޮތަށް ވީނުވީއެއް ނޭނގި ގެއްލިގެން އާއިލާގެ ފަރާތުން މިއަދު ހަވީރު 15:45 އެހާކަށްހާއިރު، ފުލުހުންނަށް ރިޕޯޓް ކުރުމާއި ގުޅިގެން ކަމަށެވެ.
މިކަން ރިޕޯޓްކުރުމާ ގުޅިގެން މުޢާޒު ހޯދުމަށް މިހާތަނަށް ކުރި މަސައްކަތުން އޭނާ ފެނިފައިނުވާ ކަމަށްވެސް ފުލުހުން ބުނެއެވެ.
ފުލުހުންވަނީ، މިމީހާއާއިބެހޭ އެއްވެސް މަޢުލޫމާތެއް ލިބިއްޖެނަމަ ލަސްނުކޮށް އެމަޢުލޫމާތެއް ފުލުހުންގެ ހޮޓްލައިން ނަންބަރު 3322111 އަށް ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅައި ހިއްސާކުރުމަށް އެދިފައެވެ.
