ރާއްޖޭގެ ،މަޝްހޫރު އަދި ހުނަރުވެރި ފުޓްބޯޅަ ކުޅުންތެރިޔާ ޢަލީ އަޝްފާޤް (ދަގަނޑޭ) ކްލަބް ވެލެންސިއާ އަށް ސޮއިކޮށްފިއެވެ.
"އަނބުރާ، ހުރިހާކަމެއް ފެށުނުތަނަށް!" މީގެ ކުޑައިރުކޮޅެއް ކުރިން ޢަޝްފާޤް ކުރި ޓްވީޓެއްގައި މިކަން ހާމަކޮށް ބުނެފައިވެއެވެ. އަންނަ ސީޒަން (2020-2021) ގައި ވެލެންސިއާ އާ ގުޅުމަކީ ލިބުނު އުފަލެއްކަމަށްވެސް އަޝްފާޤްގެ މި ޓްވީޓުގައި އިތުރަށް ބުނެފައި ވެއެވެ.
https://twitter.com/AliAshfaq07/status/1333476327878365185?s=20
އަޝްފާޤު ވަނީ، ދާދިފަހުން އޭސިއަން ފުޓްބޯލް ކޮންފެޑަރޭޝަން (އޭއެފްސީ) ން ކުރިއަށް ގެންދިޔަ "އޭއެފްސީ ބްރެކެޓް ޗެލެންޖް" ގައި، އޭއެފްސީ ކަޕުގައި ވަކިވަކި ކުޅުންތެރިން ޖަހާފައިވާ އެންމެ ރީތި ގޯލު ޖެހި ކުޅުންތެރިޔާގެ މަޤާމުވެސް ކާމިޔާބުކޮށް، ރާއްޖޭގެ އިތުރުން މުޅި ދުނިޔޭގައިވެސް މަޝްހޫރުކަން ހޯދާފައެވެ.
