އިޓާލިއަން ސެރީއާގައި ފަހު ވަގުތު އޭސީ މިލާން ބަލިނުވެ ސަލާމަތްވެއްޖެއެވެ.
އުދިނޭޒީއާ ވާދަކުރި މިމެޗު އެއްވަރުވީ 1-1 ލަނޑުންނެވެ. މިލާންގެ ދަނޑުގައި ކުޅުނު މިމެޗުގެ ފުރަތަމަ ހާފުގައި ލަނޑެއް ފެނިފައި ނުވާއިރު، އުދިނޭޒީން ގޯލް ޖަހާފައިވަނީ މެޗުގެ 68 ވަނަ މިނެޓުގައި އެވެ. މިގޯލް ކާމިޔާބުކުރީ ރޮޑްރީގޯ ޑެ ޕައުލް ނަގައިދިން ކޯނަރަކުން ރޮޑްރީގޯ ބެކާއޯއެވެ. މިލާން ބަލިނުވެ ސަލާމަތްވީ މެޗުގެ އިތުރު ވަގުތުގައި ފްރޭންކް ކެސީ ކާމިޔާބުކޮށްދިން ލަނޑުންނެވެ. މިއީ ޕެނަލްޓީއަކުން މިލާން ޖެހި ލަނޑެކެވެ. މިމެޗްފައި އަނިޔާގެ ސަބަބުން ތަޖުރިބާކާރު ފޯވާޑް ޒަލަޓާން އިބްރަހަމްވިޗް ނުކުޅެއެވެ.
ލީގު ތާވަލަށް ބަލާއިރު ދެވަނައިގައި އޮތް މިލާނަށް ކުޅުނު 25 މެޗުން 53 ޕޮއިންޓް ލިބިފައިވާއިރު، ތާވަލުގެ އެއްވަނައިގައި އޮތް އިންޓައަށް ވަނީ 24 މެޗުން 56 ޕޮއިންޓް ލިބިފައެވެ. އަދި މިލާނާ އެއްވަރުކުރި އުދިނޭޒީ އޮތީ ތާވަލުގެ 11 ވަނައިގައި 25 މެޗުން 29 ޕޮއިންޓާއެކުއެވެ.
